Thursday, September 23, 2010

FX VERMINATOR

" SAFETY IS FIRST "




سلاحي الهوائي عبارة عن اداة رمي قمه في الخفه والمتعه والسرعه والقوة والذكاء .. و ركز عالذكاء وبعدين بشرح لك ليش ذكي ..
 " PCP " سلاحي نظامه نظام ضغط هوا
 ويوصل ضغطها اكثر من 200 بار يعني اذا كان ضغط تاير السيارة يوصل ل 35 بار ويرفعا فاهوا يوصل ل 235 بار ويمكن اكثر 
 .. بالعربي انت شايل قنبله ..

وطبعا هذا الضغط كله ينحقن في سلندر سعته 400 سي سي وجزء منه يروح حق السلندر المسؤول عن ضخ الهواء المطلوب للرمية 
المقصودة ..

والسطر اللي قريته توك اهوا يشرح ذكاء هذا النظام الذكي والوحيد المتوفر في اسلحه 


وشرحي انا بتفاصيله تقول .. انه لمن تضغط السلاح بكامل سعته وخل نعتبر انه ال 200 بار اهوا كامل ضغطها .. بعد كل رميه ينقص شي بسيط من الهوا الي يدفع الرصاصه لي 1000 او 800 او 600 خطوة بالثانيه

HI
LOW
MID


عن طريق اختيارك للقوة اللي انت تحتاجها من بعبوص صغير بطرف السلاح .. وابشرك المثل يقول خذ وخل .. كل ما زادت القوه انقصت عدد الرميات وتقريبا من واقع تجربتي يوصلون لي 120 رميه وفي نفس الوقت اذا اخترت اقل قوة ممكن يوصلون ل 200 رميه او اكثر ...
وتتمه على كلامي .. ان جربت اسلحه هوائيه غير ال FX عطتني فروقات بسيطه بسرعه الرصاصه على قوة ثابته .. اووووف ادري ما فهمتني ..
لحظه افهمك ..
يعني لمن اضغط الااف اكس 200 بار واضغط سلاح ثاني 200 " مثال EVANIX " 
بعد كل رمية بالاف اكس يقل الهوا صح ! لكن سرعه الرميه ثابته " 1000 خطوة بالثانيه ,, 1000 خطوة بالثانيه ,, 1000 خطوة بالثانيه ,, و هلم جرة ليييييييي ما يوصل ضغطها 50 بار من اصل 200 بار ..
اما ..
الايفانكس بعد كل رميه تلاقي ضغط الهوا يقل بسرعه وتوصل عدد الرميات بس 60 رميه لي 80 رميه بس الحيوانه تعطيك قوة رهيبه توصل لي 1400 او 1500 خطوة بالثانيه ... 
لكن للاسف هذي القوه تلاقيها تتوزع على عدد الرميات الاول شي " يمكن اول 10 او 20 رميه قوتهم 1400 او 1300 على العيار العود " عن خيرها " وبعدين تبتدي تقل لي ما توصل لي 700 خطوة بالثانيه على ما توصل لي الرمية ال 60  .. حسافه والله ...

سلاحي ما ييك الا اسود قبيح شوي في تصميمه لكن انا اشوف انه من اذكى الاسلحه والسبب الشرح السابق ..

وزن السلاح " 3.5 كيلو"  وطوله بين النص متر لي 70 سانتي متر على حسب ذوقك تقدر ترجع الاخمس او ترده .. الي يميزه صغر حجمه وقوة اداءه وذكاءه مثل ما قلت لك من قبل شوي .. 
في منه عيارين 4.5 و 5.5 واللي عندي قوتها 1000 خطوة بالثانيه على رصاص الذهبي مال قامو ...
وتشيل على العيار الصغير 12 رصاصه والرصاص العود 8 رصاصات ..
والاحلى من هذا انها تعيشك الدور تحسسك جنك قناص صج .. تجيلها وتسحب اقسامها وترمي 8 رصاصات ورا بعض باقل من 8 ثواني .. ايييي ايي 8 ثواني لا تخز الشاشه .. لانك ما تحتاج تكسر السبطانه وتحقنها ويطيح تررك عشان ترمي مرة وحده وتطيح الرصاصه منك اذا انت متدوده اذا شايف طير وماتبي تضيعه او خايف يطير ... 

طبعا احلى مافي الموضوع انه الهدف لبيع الاسلحه ولوازمها 24737291    24745489  وفر كاتم صوت عجيب لها كاكسسوار اصلي ويتم الصوت لي درجه انك بس تسمع صرير الرصاصه واهيا تشق الهوا ,, يا اخي احساس مو صج والله ...

وتبي الصراحه ان بغيت تكشخ اخذها .. لانها تييك بجنطه ومفججه السلندر بصوب والكاتم بصوب والبكرة بصوب ومرتبين ونايمين فيها وانت تركبها وترمي و يا دار ما دخلج شر ,, ولك تعطيك احساس جنك " قاتل مأجور "

السعر .. يالله والله اخاف اقول وتهون .. ها !! اقول !! يالله بقول وامري لله ..
من الهدف  24737291    24745489 واصله الكويت 450 دينار اللي نفس الصور بالضبط .. او البلبل الصداح يقدر يطلبها لك بكل سرور وان سألت شلون اترسها هوا طبعا الهدف عنده كاااااااااااامل عدته يقدر يصونها لك و ينفخها ويعلمك عليها وانا ان طلبتني ما راح اقصر معاك ولا هالكثر .. بس صير زلم واخذها وانت ما عليك ...



 والحين اخليك مع الفيديوات

اول شي فيديووي

بعدين فيديوات الشركه الام


بعدين العموم


Tuesday, September 21, 2010

DIANA 350 MAGNUM

" SAFETY IS FIRST "




 ميزاتها .. قوة بالشكل والاستعمال وعمر طويل و بنت وفيه خصوصا اذا وكلتها رصاص عليه العافيه " ثقيل هذا قصدي " يعني تقريبا اكثر من 16 جران على عيار .22 عالاقل ... 

اشكالها .. في منها الاسود والخشب و من نفس الالوان قصيرة وطويله  .. بس بقولك سر .. لحد يقص عليك ويقولك انه الديانا ال 350 مقنوم اهيا الديانا ال 280 او 31 لانه متشابهين وايد واللي يميز المقنوم انك تمووووووت عشان تكسر السبرنق يعني تجيلها او تحقنها سمها مثل ما تسميها ... والباجي لأ شربة مي ...

والاهم انه الحاضن مال المقنوم خصوصا البانثر السوده تلاقي في كسره حدرها ام الزعاطيط الثانيين لأ.. مشطوفه من حدر ... اضن فهمتني ؟؟؟
و لها ميزه ثانيه بالنسبه لي .. احيانا تييك موديلات من غير موجهات .. يعني لازم دربيل .. وهذي لعبتهاااااااااااا ...

عيوبها .. مثل ما قلت " بنت وفيه " والبنت تبي ريال " رجال " والريال هذا انت او غيرك انت تحدد ..
يا عمري الماقنوم ثقيييييييييييييله وزنها يتعدى ال 5 كيلوات   يعني اذا تبي تتعنطزو تطرد وراطير ولا فار ولا حته بنقالي مسكين .. بينشف السانك وبتطيح امتونك " جتوفك " .. لا و يمكن تتعرجب وتبلع السبطانه الله يا ساتر ..
والحل بسيط قزرها على جتف واحد من ربعك او خذ منصب ثنائي .. او منضرة سيارة " بس دير بالك لا تكسرها ... 
جيكت عالوزن ؟!؟
زعلت صح ؟؟
هههههههههههههه
خمس كيلوات و ست امياااااات جراااااام 
يعني وزن ياهل بو سنه الا شوي

اسعارها .. انا الصراحه عندي ثنتين .. الخشب 120 اخذها من المزين والبانثر " السوده اختذنها من الهدف  29.283126,47.963693   الاحداثيات    ب 160 " صج شوي غالي .. بس يسوى وراس الي يمك ..

وين تلاقيها ؟.. شوف يا عند الهدف  24737291    24745489   او عند المزين  او الصياد  29.285089,47.965448   او البلبل الصداح  97622626 الي بمزاد كويت " وتره انا اعرفه معرفه شخصيه وصويحبي ما يقصر .. مجربه وايد"  .. وانتوا ما عليكم قاصر ...
ومزاد الكويت ماعليهم غبار ,,, بس نبيهم يشدون حيلهم اكثر 

والحين...
متتع ناظريك
اللي اول شي ملوتي انا مسويهم
الباجي مال التللش