Thursday, May 12, 2011

EVANIX MONSTER pro 900cc

" SAFETY IS FIRST "


اخييييييييييييييييييه .. السلام عليكم و رحمه الله و بركاته .. اليوم بحاجيكم عن وحش متغطرس متعجرف قبيييييييييييح  اسمه ايفانكس مونستر
هالوحش الجيكر عليه قوة طبعا مو طبيعيه و اقوى من اي سلاح هوائي انا جربته " طبعا مو اقوى من الخبله الاير رينجر و لا ادق من الرويال 400 الي انا متحطم فيها " ...............

بس خرازه هوائيه مثل هذي لا رحمت باب و لا رخام و لا طير و لا حته جلب و لا طوابيق و لا حته نفسها .. حته نفسها ما رحمتها .. واذا مو مصدق روح شوف الباب الي وره محل الهدف " طبعا ما قمت اسويها عقب ما انزفيت "
 و شوف هالجلب الله يهداه واحد من الربع راميه من على بعد 80 متر و ادري فيه مو غشيم بالمسافات ..
 الرصاصه يايبها بين ضلوعه و اكيد منفجره الرئه و مختنيق و ميت 
على حسب كلامه انه هذا الموقع ...


 وعن رحمتها بنفسها فأهي ضغطها صحيح انه 200 بار او شوي اكثر و الرويال على سبيل المثال 200 بار بعد .. لكن هذي سعتها 800 او 900 سي سي .. يعني الدبل ..  لانها سلندرين مو سلندر


يعني في نفس الوقت الي ترمي بالرويال 120 رميه و تقل كفاءه الرمايه ترميه بالايفانكس 120 رميه لكن من غير ما تقل كفاءه الرمايه !!!!!!!!
طبعا هذا تقريبي مو فعلي لانه يعتمد على حسب نوع الرصاص 


ما اقول لك متكبره و متعجرفه .!.!  
احسها تطالع باجي الاسلحه الهوائيه و تقول لهم " خلصتوا ؟؟ دوووف دووووف دووووو ف دوووووف دووووف "
ولا توقف لين ما صبعك يورم و قوطي الرصاص يخلص و اهيا بنت اللذينه ليلحين فيها هوا ... 

والحين بدال القرقه الزايده تعالوا ندش بصلب الموضوع .......

شكلها : قبيحه نسبيا ثقيله شوي سبطانها احلى ما فيها لانها يايه طقه وحه و الاحلى ان لها برغي تشيله و تركب لها كاتم " طبعا الهدف يايب كاتم بس لك عليه شوي لانه يقلل السرعه و يحرف العيار وما يقلل بالدرحه الي تبيها و سعره وايد عليه و بلاستك "
الاخمس دايما يتحرك و اذا تيت عالبرغي ماله يا يجرح السلندر الوراني او يمولس .. بكرتها حديد و مكشوفه طبعا هذي شغله طيبه بس دير بالك من كثر التجييل و شيل و حط البكره يمكن يزلغ السلاح " واذا انت من النوع الي وااااي لأ تزلغت ام صجمتي فراح خلقك يصير ضيج "

هههه يعني يضيق خلقك : ))))

الكاتم الي منها و فيها حلو " shrouded barrel "  حته لو ما ركبت كاتم على السبطانه .. للاسف مالها حفره حق المنصب الثنائي bipod " 
الصرقي او الاقسام او البولت اكشن مالها طويل شوي موووووذي و ترقرها او الزند مالها ثقيل حق النقوشيه ما ينفع لازم تخففه و لا تجيسه اذا ما تعرف عشان لا يعلق او ترمي بروحها و تعور لك احد ...

قوتها : قوتهااااااا ايييييييه قلت لي .. دامها تعطيك اكثر من 1250 عالذهبي 
 1
 2
 3
4
و اكثر من 1100 على رصاص وزنه 18 قرين فانت لازم تكون شاكر و ممنون .. و الاجمل من هذا انه سعه الهوا فيها اكثر من 800 سي سي يعني اكثر من اكثر سلاح هوائي ثاني .. و لحد يقص عليك و يقول لك انه لها عيار تخفف على قوتها او تزيد ...








و النصيحه الي بعطيكياها .. انه كل ما استخدمت رصاص ثقيل معاها فقوتها ماراح تقل وايد وايد لكن ماراح تصرف هوا وايد .. 
مثال الباركودا الذهبي 21 قرين .. و 25 قرين الي نسيت شسمه :: الي جنه مصبوب صب .. 



دقتها : انا و اعوذ بالله من كلمه انا سويت قروب من على بعد 80 متر بنسبه خطأ انش واحد وكنت مسنها على زندي " رصاص اف اكس 5.5 "
جيك عالراس 


والي حاب يتأكد يطلب مني و راح ازعله بفيديو ...
بس الدقه ما جربتها مع كاتم !!! من غيره طبعا ..

استعمالها : استعمالها حلو بس داااااااايما جيك على ربلات السلندرات احيانا ينجرحون من الضغط الرهيب و لا تنساها بالشمس عااااادي عااااااااااادي يتمدد الهوا و ينضغط و يطمر السلندر و يكسر الجام الي وره و باجي السلاح تلاقيه منسدح عالطبلوم .. دير بالك ..

وبما انه الساعه مالت الضغط مكانها حمار لانك ذا كنت مركب دربيل " وطبعا لازم تركب دربيل " لانها ماتنفع من غيره .. فالساعه راح تكون تحت الدربيل و عشان تعبيها هوا من غير ما تترسها زياااااده بالغلط فلازم تتعوق او تطق رقبه عشان احد يساعدك ...
 وابشرك احسن من الاف اكس بالتجييل .. لان عمرها ماراح تجييل رصاصتين مره وحده يعني ماراح تغص الا اذا انت حاط فيها بنك  او مافيها هوا : )))

سعرها : الي عرفته انه ما بين ال 480 دينار كويتي لي ال 550 دينار كويتي مابين نيشان و الهدف ...

والحين تعالو خل نتعرف عليها عن كثب " حلو كثب " ::::::::::::::

 مكان المحاله البكره و الاقسام
 براغي تفتحهم عشان اذا بغيت تبدل السبطانه من عيار كبير لي صغير و بالعكس
 برغي تفتحه عشان تبدل الرصاصه الي تمسك البكره
 ما ادري ليش حاط الصوره مرتين !!
 برغي تفريغ الهوا .. مووووووووووووووووووووووووووووووووو تبطله كله لانه راح ينفجر بويهك 
 السلندر الي وره .. للعلم الستوك ما راح يفتح معاك و يتحرر السلاح اذا ما شلته 
 برغي الستوك .. ما ادري الي تسمونه حاضن 
 تبططططططططل
..  دير بالك يتعور هالهوز النحاس .. لانه الركه كلها عليه مو تسوي لي فيها و تلك البراغي مو شغلك 
 المكيييييييييييييينه .. هذي شوي حساسه لانه اي برغي يفتلت ما الك الا جبار بالهدف عنده قطع غيار
 الجه الثانيه 


 قلنا لااا تجييييس .. ولييييييييييييييييييييييييييييييييييه
24745489 يبه هاك هاك رقم الهدف و دق عليهم .. خربتها انت الحين 
 عيزان اقول لك مال شنو .. شوف الصور الي فوق
 مهم ......... فك السلندر الامامي

 الكاتم الاول .. غبي بس يسوي شغل

 الابيض اهوا الكاتم الثاني .. لمن شلتهم و رميت ولككككككك الصوت بط اذني .. خلهم احسن

بعد ما تفصخت .. عيييييييييب لا تطالع ...

وهذي شويه فيديوات تطقطقون فيها على ما انزل شي يديد ...<<<<<<<<< شدعوه اصيل ابو بكر سالم عاد " انقلع بس انقلع"



شباب الي عنده معلومه يفيدنا فيها لا يتررد بالتواص معاي على 
dashtinov@hotmail.com
dashtinov@gmail.com
او اي برنامج بالاي فون " الاشهر منها طبعا و يضيفني على 
dashtinov