Wednesday, June 24, 2020

Sourdough Starter

البداية :
المرحلة الاولى : " فترة التحفيز "
اهيا عبارة عن طحين و ماي و هوا و صبر ٢٤ ساعة.
طحين كامل + كثر وزنه ماي
" القوام لاهو جاف ولا هو مايع "
مثلا ابتديتي ب٢٠٠ قرام طحين ، نحط ٢٠٠ قرام ماي.
ينحطون في برطمان يقدر يتنفس
" لاهو مغلق ولا هو مفتوح"
يفضل التقليب كل ١٢ ساعة خلال ال٢٤ ساعة .
" عشان يتنفسون البكتيريا "
نهاية الايوم الاول و فترة التحفيز.
الاسبوع الاول :
المرحلة الثانية : " فترة التغذية "
عبارة عن طحين ،ماي .
بعد يوم سكب نص القديم و اضافه طحين جديد و ماي، هوا ، و هكذا لمدة اسبوع "
مثال : نشيل ١٠٠ قرام من الخميرة اللي كان وزنها ٢٠٠ قرام و نعطيها ١٠٠ قرام طحين جديد و ١٠٠ قرام ماي جديد. و هذه العملية كل ١٢ ساعة.
عند نجاح المرحلة الاولى خلال الاسبوع الاول تلاحظين:
" فقاع زايد و حجم خميرة مضاعف "
و هذه العملية لمدة اسبوع.
الاسبوع الثاني :
المرحلة الثالثه: " تقوية الخميرة "
نفس الاسبوع الاول لكن ؛ مضاعفه التغذية و الماي.
مثال : عزل ١٠٠ قرام من الخميرة القديمه اللي اصلا كان وزنها ٢٠٠قرام ، و نعطيها ٢٠٠ قرام طحين و ٢٠٠ قرام ماي بدال ١٠٠ قرام طحين و ١٠٠ قرام ماي لانها صارت اقوى .
و تكرار خطوات المرحلة الثانية لمدة اسبوعين عالاقل .
يصير المجموع اسبوعين
الاسبوع الثالث لمدى الحياة.
-تغذية الخميرة كل يوم" للعجن كل يوم "
- تغذية الخميرة بالثلاجة كل اربع ايام " للعحن كل اسبوع "
- تغذية الخميرة كل ثلاث اسابيع بالفريزر " للعجن كل شهر "
" طريقة استعمالها " :
عبارة عن استخدام البكتيريا المتكونة من خلال هالاسبوعين لتخمير طحيننا "
الخطوة الاولى: ناخذ نص خميرتنا . و نوكلها كثر ما خذينا طحين و ماي.
الخطوة الثانية: نوكل النص الثاني اللي اخذناه ضعفينها طحين و ماي نفس قبل.
الخطوة الثالثة: عند بلوغها اقصى انتفاخ بعد وجبتها ؛ نضيفها على طحيننا اللي بنعجنه و ناكله
بس...
التخمير بالمختصر : بكتيريا نايمه و نصحيها بالهوا و الطحين و اذا صحت نوكلها ليما تنتفخ . و اذا انتفخت نقص عليها عشان تتفخ طحيننا .
ملاحظات:
حافظ على شغلك نظيف،استعمال ميزان،بعد كل وجبتين غير القلاص، وخر الصابون،حافظ على حرارتها،حافظ على مكانها، اليوم الأول استعمال طحين كامل بعدين استعمل طحين ابيض عادي، اوزن صح لا تتخربط، لمن تتفخ حدها لا تنطرها تنخفس على روحها ارجع وكلها و لا تتقيد بال١٢ ساعه،لا تغير الطحين كل شوي، اهتم باقفاشك و صحونك و نشفهم عدل، حط خط على قلاص الخميرة و اكتب وقت و تاريخ و وزن، لاحظ تضاعفها متى و لي وين لانه ممكن ب٤ ساعات مو ١٢ و يمكن ثلاث اضعاف حجمها مو شرط دبل .

No comments: